Hjelpemiddel og assistanse i skulen
Viss barnet ditt har ei funksjonsnedsetjing eller ein skade som gjer at klasseromsundervisning og friminutt blir vanskeleg, kan barnet ha rett til ein personleg assistent eller tekniske hjelpemiddel.
Tenesteomtale
Personleg assistanse i skulen er eit tilbod om hjelp mellom anna i opplæringa, i friminutta, ved flytting mellom klasserom eller i garderoben.
Tekniske hjelpemiddel kan vere pedagogiske, som programvare, eller det kan vere stolar, bord, skjermar og transportmiddel.
Ofte er assistanse og hjelpemiddel gitt saman med individuelt tilrettelagd opplæring og vil vere inkludert i ein individuell opplæringsplan.
Målgruppe
Elevar i grunnskulen.
Kriterium/vilkår
Nokre barn har personleg assistanse som ei helseteneste. Dette er ikkje det same som ein personleg assistent i skulesamanheng.
Brosjyrar, dokument,
kart og liknande
Lover
Dette er ei lovpålagd teneste. Sjå spesielt
Opplæringslova § 11-4 og § 11-5.
Rettleiing - korleis få utført
eller motta tenesta
Avgjerda om å gi ein elev personleg assistanse eller tekniske hjelpemiddel er gjorde gjennom eit enkeltvedtak. Meld frå til skulen dersom du meiner at barnet ditt treng personleg assistanse for å få tilfredsstillande utbytte av opplæringa.
Saksbehandling
Før skulen gjer eit vedtak, vil du bli varsla om at skulen behandlar saka di, og du vil få høve til å uttale deg. Skulen skal innhente alle nødvendige opplysningar for å avgjere saka, og du har rett til å sjå dokumenta i saka. Vedtaket vil innehalde grunngivinga til skulen, korleis dei kom fram til avgjerda, og kven som har vore involvert i behandlinga. Vedtaket vil bli sendt til deg skriftleg.
Saksbehandlingstid
Skulen skal behandle saka så snart som mogleg. Viss saka ikkje kan avgjerast innan éin månad, skal du ha skriftleg beskjed om grunnen til dette. Du skal samtidig få opplyst når det er grunn til å tru at vedtaket blir gjort.
Høve til å klage
Viss du er misfornøgd med vedtaket, kan du klage innan ein frist på tre veker frå du fekk det. Forklar kva du er misfornøgd med og kvifor du meiner vedtaket bør endrast. Viss du treng rettleiing, kan du vende deg til kommunen. Held oppe kommunen si avgjerd, blir saka send vidare til statsforvaltaren som avgjer om klaga skal takast til følgje.
Tjenesten oppdatert: 20.12.2024 12:09