Tilskot til utgreiing og prosjektering
Har du eller andre i husstanden nedsett funksjonsevne og treng å gjere tilpassingar i bustaden, kan du søkje om tilskot til profesjonell prosjekteringshjelp utført for eksempel av arkitekt.
Tenesteomtale
Tilskot til utgreiing kan nyttast til å kartleggje følgjande forhold:
- Høve og avgrensingar i noverande bustad
- Uteområde og tilkomst
- Tilgjenge inne
- Arealbehov
- Innreiing og bruksdugleik
- Om brukar har økonomi til å finansiere tilpassinga sjølv, eller om det er behov for lån og/eller tilskot frå kommunen
Tilskot til prosjektering kan gå til dekning av kostnader til fagleg assistanse til prosjektering, det vil seie honorar til arkitekt eller annan fagkyndig.
Tilskot til prosjektering kan dekkje utgifter på inntil 20 000 kroner. Ved tilpassing av noverande bustader, kan tilskotet brukast til utgreiing i framkant av prosjekteringa på inntil 20 000 kroner.
Målgruppe
- Personar med funksjonsnedsetjing.
- Eldre som ønskjer å utføre førebyggjande tilpassingstiltak.
Kriterium/vilkår
Tilskot til utgreiing og prosjektering skal utførast av fagkyndig.
Økonomien din vil ha tyding for om du kan få tilskot til tilpassing av bustad.
Pris for tenesta
Brosjyrar, dokument,
kart og liknande
Samarbeidspartnarar
Lover
Sjå spesielt § 15 i bustøttelova.
Rettleiing - korleis få utført
eller motta tenesta
Tilskot til utgreiing og prosjektering blir søkt i den kommunen du bur i. Kommunen kan hjelpe deg å fylle ut søknaden.
Vedlegg
Saksbehandling
Du vil få beskjed om at kommunen behandlar saka di, og du vil få høve til å uttala deg. Kommunen skal innhenta alle nødvendige opplysningar for å avgjera saka, og du har rett til å sjå dokumenta i saka. Vedtaket vil innehalda grunngivinga til kommunen, korleis dei kom fram til avgjerda, og kven som har vore involvert i behandlinga. Vedtaket vil bli sendt til deg skriftleg.
Saksbehandlingstid
Kommunen skal behandle saka så snart som mogleg. Dersom saka ikkje kan avgjerast innan éin månad, skal du ha skriftleg melding om grunnen til det. Du skal samstundes få opplyst når ein ventar at vedtaket blir gjort.
Høve til å klage
Dersom du er misnøgd med vedtaket, kan du klage innan ein frist på tre veker frå du tok imot det. Forklar kva du er misnøgd med og kvifor du meiner vedtaket bør endrast. Grunngje dette eventuelt med nye opplysningar. Klagenemnda i kommunen er klageinstans.
Tjenesten oppdatert: 07.01.2025 21:41